nila

Notebook

2011-07-27T11:13:00.001-07:00

Kaagidham

2011-07-27T08:42:00.001-07:00

தொடத் தொட... Article - 2004

2011-07-20T11:42:00.001-07:00

தொடத் தொட...

----------------

ஒரு வித்தியாசமான/வினோதமான ரேடியோ

விளம்பரம் கேட்டதிலிருந்து

தொடர்ந்து மனதுக்குள் தோன்றிய எண்ணங்கள்தான் இந்த

கட்டுரையின் பிண்ணனி.

எப்படி விவரிப்பது என்று தெரியவில்லை, அதைக்

கேட்டதும் சிரிப்பதா ,தலையில் அடித்துக் கொள்வதா

என்று புரியவில்லை.

விளம்பரம் இதுதான் -

பிறந்த நாள், திருமண நாள், விசேஷ நாட்கள்

ஆகியவற்றுக்கு கடில் பார்ட்டிகள் (cuddle party) ஏற்பாடு

செய்யப்படும்.

உங்கள் வாழ்க்கையின் அவசியம் கடில் பார்ட்டிகள்.

நுழைவுக் கட்டணம் ஒருவருக்கு முப்பது டாலர்கள்,

ஜோடிகளுக்கு ஐம்பது டாலர்கள். அணுகவும் -

www.cuddleparty.com

அமெரிக்காவில் மட்டுமே சாத்தியம் இது போன்ற

கூத்துக்கள்!

அதாவது, ஒருவர் தமக்குத்தாமே புதிதாக ஒரு

உத்தியோகத்தை உருவாக்கிக் கொள்ளலாம்.

உதாரணத்துக்கு இந்த கடில் பார்ட்டி முனைவர், "அரவணைப்பு

நிபுணர்" {Cuddling Expert}

என்று தம்மைத் தாமே அழைத்துக் கொள்ளலாம்.

அரவணைத்தல், தழுவிக் கொள்ளுதல், முத்தமிடுதல்,

முதுகைத் தடிவிக் கொடுத்தல்.. இது போன்ற பல்வேறு

தொடுதல்களைப் பற்றி இவர் நன்கு அறிந்து

(ஆராய்ந்தும்?) வைத்திருப்பார்.

இந்த இந்தச் செயலால், இந்த இந்த விளைவுகள்,

நன்மைகள் கிடைக்கும் என்று புத்தகங்கள் எழுதுவார்.

பணக்காரர் ஆகிவிடுவார்.

ஆனால், மறுக்க முடியாது - இவருக்கு நல்ல வரவேற்பு

இருக்கிறது!

கடில் பார்ட்டிகளுக்கு காசு கொடுத்து போகவும் பெரிய

கூட்டம் இருக்கிறது இங்கே!

ஆனால், யோசித்துப் பாருங்கள். யார் யார் வருவார்கள்

இந்த பார்ட்டிகளுக்கு?

ஊறுகாய் உரசல்கள் கிடைக்குமே சில ஓணாய்கள் வருமா

வராதா?

நமக்கு எது தேவை, எது இருந்தால் நம் வாழ்க்கை

சந்தோஷமாக இருக்கும் என்று விளக்கிச் சொல்ல, ஒரு

மூணாவது மனிதர்

தேவைப் படுகிறார் என்றால், நம் வாழ்க்கைத் தரம் எந்த

நிலையில் இருக்கிறது என்று யோசிக்க வேண்டும்!

அமெரிக்க (மேற்கத்திய) வாழ்க்கை முறையைப் பற்றி

கூறும் போது,

ஆஷ்லி மாண்டெக், என்ற புகழ்பெற்ற சமூகவியல்,

மனிதவியல் எழுத்தாளர் -

"தீண்டாமை என்ற ஒரு புதிய இனத்தையே

உருவாக்கியிருக்கிறோம்" என்றார்.

Ashley Montague as saying, “We have produced a race of

untouchables.”

His quote speaks to his sense of the impersonality of life in the

Western World.

உண்மைதானே, நம் குடும்பத்தோடு, நம்

சிநேகிதங்களோடு, நம் பிள்ளைகளோடு, வாழ்க்கைத்

துணையோடு நாம் சந்தோஷமாக இருக்க,

ஒருவரை ஒருவர் தழுவி, அரவணைத்துக் கொள்வது எத்தனை

முக்கியம் என்று விளக்க இப்படி ஒரு கடில் பார்ட்டி

நிபுணர்!

அதற்கு முப்பது டாலர்கள் மொய் வேறு எழுத வேண்டுமாம்!

சம்பாதிக்கிறார், அது அவரது சாமர்த்தியம்.

ஆயினும்... இது யோசிக்க வேண்டிய ஒரு விஷயம்தான்.

"தொடுதல்"

நாம், மனித இனம், சகவாசப் பிரியர்கள், கூடிவாழும்

குணமுடையவர்கள், பரஸ்பரம் உறவு கொண்டாடுபவர்கள்,

சமூகம் என்கிற அமைப்பில் இணைந்து வாழ்பவர்கள்.

இப்படிப் பட்ட நமக்கு, தொடுதல் ஒரு உயிர்ச் செயல்.

உயிர் நிலைக்க வைக்கும் செயல். It is a subject of Survival!

பாலுட்டும் பிராணி வகைகள் அனைத்துமே, தமது சக்தி,

திறமை, ஆதிக்கம், அதிகாரம், பதவி, நிலை,

உரிமை ஆகியவற்றை உணர்த்த

தொடுதல் செய்கின்றன.

இதனை எந்த அளவுக்கு உணர்ந்திருக்கிறோம். நமது

இயல்பின் படி வாழ்கிறோமா, அல்லது

திரவியம் தேடும் திரைகடலில் இந்த உண்மையான

பந்தச் செயலை மறந்திருக்கிறோமா?

கடில் பார்ட்டிகளுக்குப் போக வேண்டாம்தான்.

ஆனால், நம் அடிப்படைத் தேவைகளில் மிக முக்கியமான

இந்த தொடுதலைப் பற்றி

கொஞ்சம் சீரியஸாக பேசுவொமா?

"Touch is part of our inherent genetic development" என்கிறார்

எலியட் க்ரீன். அமெரிக்க மசாஜ் தெரபி

அசோசியேஷனின் தலைவர்.

ஆபத்து வரும்போது, நமது மூளை, எதிர்த்துச் சண்டையிடு,

அல்லது ஓடு (Fight or Flight) என்று உடனே கட்டளை

பிறப்பிக்கிறது.

ஆனால், அன்பான தொடல் நிகழும்போது, பயம் இல்லை,

இது எனக்கு சுகமாக இருக்கிறது என்று இரத்தத்தில்

இனிமை சேர்கிறது.

அன்பையும், பாதுகாப்பு உணர்வையும் வெளிப்படுத்துகின்ற

தொடுதல், நம் தசைகளின் இறுக்கத்தைக் குறைத்து,

மனதையும்,

உடலையும் உற்சாக நிலைக்கு கொண்டு செல்கிறது.

அனாதை இல்லங்களில் உயிருக்கு ஆபத்தான நிலையில்

சேர்க்கப்படும் பச்சைக் குழந்தைகள்,

தொடப்பட்டு, தடவப்பட்டு, ஆதரவாக அணைக்கப்பட்டு

வளர்ந்தால், எண்பது சதவிகிதம் உயிர் பிழைத்து

விடுகின்றனவாம்.

குழந்தைக்கு மட்டுமில்லாமல், தாய்மார்களுக்கும் இந்த

தொடுதல் விஞ்ஞான ரீதியாக பெரிதும் உதவுகிறது.

பசு போன்ற பிராணிகள், பிறந்தவுடன் குட்டிகளை

நாவால் நக்கும், இதனால் ஆக்ஸிடோசின் என்கிற

ஹார்மோன் அதிகமாக சுரக்கிறதாம், இது

கார்டிசோல் என்கிற மன அழுத்தம் உருவாக்கும்

சுரப்பியை கட்டுக்குள் வைக்கிறதாம்.

இந்த நக்குதலைச் செய்யாத தாய் மிருகங்கள் தமது

குட்டிகளைக் கடித்துவிடவும், விழுங்கிவிடவும் கூடும்.

அமெரிக்காவில் குழந்தை பிறக்கும்போது, கணவர்

மனைவியோடு முழு நேரமும் துணையாக இருக்கிறார்.

டாக்டர்களும் நர்சுகளும், மனைவியின் கையை பிடித்துக்

கொள்ளுங்கள், அவள் தோள்களை

தட்டிக் கொடுங்கள், நெற்றியில் முத்தமிடுங்கள் என்று

கணவரிடம் கூறிக் கொண்டே இருப்பார்கள்.

இதனால் பேறு வலியில் துடிக்கும் மனைவிக்கு இறுக்கம்

தளர்ந்து, குழந்தை பிறப்பது சுலபமாகிறது.

குழந்தை பிறந்தவுடன், அனேக பிரசவங்களில்,

தந்தைதான் நஞ்சினை வெட்டி குழந்தையை

அன்னையிடமிருந்து பிரிக்கிறார்,

இந்த சிறிய செயல் தகப்பனுக்கும், குழந்தைக்கும்

மதிப்பிட முடியாத பந்தத்தை உருவாக்குகின்றது

என்கின்றன ஆய்வுகள்.

அதே போல , குறைப் பிரசவத்தில் பிறக்கும்

குழந்தைகள் தொடப்பட்டு, ஆதரவாக அணைக்கப்பட்டும்

பாதுகாத்தால்,

ஆஸ்பத்திரியிலிருந்து சீக்கிரம் டிஸ்சார்ஜ் செய்யப்

படுகின்றனராம்.

மருத்துவர்கள், தொடுதல் இல்லாமைக்கும், மன அழுத்த

நோய்க்கும் நெருங்கிய சம்பந்தம் இருக்கும் என்று

உறுதியாக நம்புகின்றனர்.

ஓரு அளவுக்கு தொடுதல் கிட்டாத போது, நோய், மன

அழுத்தம், கோபம் ஆகிய தீய விஷயங்கள் நம்மைத்

தாக்கக்கூடும்.

ஆக, பலநூறு வார்த்தைகளை விட, ஒரே ஒரு பாசமான

தீண்டலினால், ஆயிரம் மடங்கு அதிகமாக அன்பை

உணர்த்திவிடமுடியும்.

என்னாசை மலர்மு கத்துக்

குழந்தையின் நெற்றி மீது

குழலினை அசைப்பாய்.. என்று காற்றின் தீண்டலை

எத்தனை அழகாக உயர்த்திப் பாடுகிறார்

பாரதிதாசன்!

கூடவே "தொடத் தொட மலர்ந்ததென்ன... பூவே" என்ற

சுகமான வைர வரிகளும் நினைவில் மிதக்கின்றன.

சந்திப்போம்.

அன்புடன்,

கற்பகம் இளங்கோவன்.

Vignette

2011-06-21T10:48:00.001-07:00

Vastaavu.

2011-02-18T12:47:00.001-08:00

கொடுத்து வைத்தவர்கள்

2010-11-04T09:00:00.001-07:00

மீண்டும் சந்திப்போம்

2010-11-04T08:59:00.000-07:00

எப்போதும் நீ

2010-11-04T08:55:00.001-07:00

மன்றாடல்

2010-11-04T08:53:00.001-07:00

varuvaai

2010-10-22T11:45:00.001-07:00

தூக்கம்

2010-10-22T11:43:00.000-07:00

பயணம்

2010-02-27T05:08:00.001-08:00

பெருமிதம்

2010-02-26T07:39:00.001-08:00

tholaindhEn

2010-02-17T09:52:00.001-08:00

தமிழ் யூனிகோட் எழுத்துக்கள்

2010-02-11T10:12:00.001-08:00

TAMIL UNICODE - LETTERS TABLE. தமிழ் யூனிகோட் அட்டவணை
உயிரெழுத்துக்கள் - (The vowels)
______________________________

அ - a

ஆ - aa

இ - i

ஈ - ii

உ - u

ஊ - uu

எ - e

ஏ - ee

ஐ - ai

ஒ - o

ஓ - oo

ஔ - AU

ஃ - q
_____________________________________________________________________________________
மெய்யெழுத்துக்கள் (The Consonants)
______________________________

g, k, kh, c - க்

nG - ங்

ch - ச்

j - ஜ்

nY - ஞ்

d, t - ட்

nN - ண்

dh, th - த்

N - ந்

n ன்

b, bh, p - ப்

m - ம்

y - ய்

r - ர்

R - ற்

l - ல்

L - ள்

zh - ழ்

v, w - வ்

h - ஹ்

sh - ஷ்

s - ஸ்

________________________________________________________

உயிர்மெய் - ('க' உதாரணமாக கொடுக்கப்பட்டுள்ளது)

_______________________________________________
ka - க

kaa - கா

ki - கி

kii - கீ

ku - கு

kuu - கூ

ke - கெ

kee -கே

kai - கை

ko - கொ

kO - கோ

kau - கௌ

k - க்
_______________________________________________________________

Letters like g and k represent the same thamizh letter.
So, "akhilaa", "akilaa", "agilaa", "acilaa" all give "அகிலா"

To get the complete syllable, suffix it with an "a". For eg., "pa" is "ப".

For half syllables, stop with the code for that syllable alone. For eg., "zh" is "ழ்".

The general rule of thumb is that with two touching syllables, the former syllable is a half syllable. So, "chcha" is "ச்ச".

The syllable "ங்" has to be typed out as "ng" and it is usually followed by a "k".
As in, "thangkai" "தங்கை".

Some examples

vijay - விஜய்
vidhyaa - வித்யா
lathaa - லதா
latchumiNaaraayanNan - லட்சுமிநாராயணன்
akhilaa - அகிலா
pirathaap - பிரதாப்
bharath - பரத்
kirushnNaswAmi - கிருஷ்ணஸ்வாமி

காதல் சிற்பம்

2010-02-11T09:42:00.001-08:00

காதலித்துப்பாருங்கள்

2010-02-11T09:38:00.000-08:00

காதல் செய்யுங்கள்

2010-02-11T09:36:00.000-08:00

காதல்

2010-02-11T09:34:00.000-08:00

அதே சாலையோரம்

2010-02-09T12:48:00.001-08:00

வலி

2010-02-09T12:47:00.001-08:00

அழம்

2010-02-09T07:07:00.000-08:00

அடிப்படை

2010-02-09T07:06:00.000-08:00

ஒற்றைச் சொல்

2010-02-09T07:04:00.000-08:00

தெளிவு

2008-02-28T06:29:00.000-08:00

திறவு

2008-02-28T06:28:00.000-08:00

வசதி கொடு

2008-02-25T10:48:00.001-08:00

நீ இருக்கிறாய். You Are

2008-02-22T08:00:00.001-08:00

ஜோதி - The light

2008-02-21T12:17:00.000-08:00

நிதர்சனம் - Truth

2008-02-21T12:16:00.001-08:00

suvargam - Heaven

2008-02-21T12:14:00.001-08:00

nila

2008-02-21T12:12:00.001-08:00

We could see the full lunar eclipse in Michigan which began 8.50 pm last night.

Divine Valentine Wishes

2008-02-15T09:45:00.000-08:00

உன்னைக் காணாவில்லை

2008-02-07T11:50:00.000-08:00

This is one of my most favorite still. Sneha in black and white - simple clean, just right!

தீண்டல்

2008-02-07T11:47:00.000-08:00

Aruvadai brings together the master with Sneha! But I had to cut him off in this still for her magnetic look!

அறுவடையில் மம்மூட்டியோட ஒரு மகுட வாய்ப்பு!

சுவாசம்

2008-02-07T11:44:00.001-08:00

Still from the movie "ABCD" are amazing. Photography compliments the deep emotions expressed by the pain struck charecter... yet beauty beyond words. Sneha was the star amongst the three female roles of the movie.

தாயுமானவா

2008-02-07T11:42:00.001-08:00

Don't those eyes speak so much. PirivOm SandhippOm is an excellent role and amazing performance. Keep it up Sneha.

ப்ரியமுடன்.

கற்பகம் இளங்கோவன்.

நீர்க்குமிழி

2008-02-05T12:36:00.002-08:00

தேர்ச்சி

2008-02-05T12:36:00.001-08:00

தீண்டல்

2008-02-05T12:34:00.000-08:00

வளையல்கள்

2008-02-05T12:33:00.000-08:00

Sneha The smiling princess.

2008-01-23T11:52:00.003-08:00

Sneha the smiling princess, originally Suhasini Rajaram Naidu
has taken a very special spot in my heart.

Its always inspiring to see a good smile, deep eyes, and simple beauty....
what more does a poet need...?

Do enjoy the poems I wrote inspired by sharp expressions in her pictures.

சுஹாசினி ராஜாரம் நாயுடு என்கிற சினேகா அவர்கள் நான் மிகவும் மதிக்கின்ற ஒரு கலைஞர். பொதுவாக சினிமா பைத்தியம் அல்லாத நான், அவர்களது இனிய முகத்திலும், அற்புதமான புன்னகையிலும், எளிய நடிப்பிலும் அசந்து போகிறேன்.

களையான முகம், அற்புதமான புன்னகை, ஆழமான கண்கள், எளிய அழகு
இவற்றைவிட ஒரு கவிஞருக்கு வேறு ஊக்கங்கள் தேவையா என்ன....

அவரது மிக அழகான புகைப்படங்களுக்கு ஏற்றவாறு, அவற்றின் உணர்வுகளுக்கு ஏற்றவாறு சில வரிகளைக் கிறுக்குகிறேன்... தாங்களும்தான் ரசியுங்களேன்.

- கற்பகம் இளங்கோவன்.

2008-01-23T11:52:00.002-08:00

விழி

2008-01-23T11:52:00.001-08:00

சத்தியம் பேசினான்

2008-01-23T11:51:00.001-08:00

சந்திப்பு

2008-01-23T11:50:00.000-08:00

பொங்கல்

2008-01-23T11:49:00.000-08:00

முத்தம்

2008-01-23T11:46:00.000-08:00

கர்வம்

2008-01-23T11:44:00.000-08:00

எப்பொழுது?

2008-01-23T11:43:00.000-08:00

** ஆசை

2008-01-23T11:42:00.000-08:00

எப்போதும் நீ

2008-01-14T10:35:00.000-08:00

திரும்பிப் பார்

2008-01-04T09:49:00.001-08:00

paravasam

2008-01-04T09:43:00.000-08:00

நீ மட்டும்

2007-12-27T13:59:00.001-08:00

பார்வை

2007-12-27T13:58:00.001-08:00

மெழுவர்த்தி

2007-07-06T12:44:00.001-07:00

My Phantom

2007-05-03T08:59:00.000-07:00

உன் முத்தம்!

2006-11-30T09:48:00.000-08:00

சூரியனுக்குள் சீறிப் பாயும்
சில்லுணர்வு உன் முத்தம்!

விண்வெளிக்குள் வேகம் கொண்டு
சீறும் நதி உன் முத்தம்!

உதடுகளின் மேல் மெத்தையிட்டு உறங்க வைக்கும்
சுக வித்தை உன் முத்தம்!

இதயக் கீறல்களுக்கு
மருந்து பூசும்
அதிசய மருத்துவம்
உன் முத்தம்!

பாறைப் பனியும்
இளகிப் பெய்யும்
இனிய வெப்பம்
உன் முத்தம்!

தந்தையே

2006-10-11T09:34:00.000-07:00

தந்தையே
__________
உண்மையை மட்டுமே உயிராகக் கொண்டு
சாந்தி, அன்பு, ஒற்றுமை
என்பவை மட்டுமே உறவாகக் கொண்டு
எளிமையின் எளிமையைக்
கவசமாய் உடுத்தி
அகிம்சையின் அமைதியை
ஆயுதமாய் எடுத்து
பெரும்பகைப் போரினைப்
பாசத்தால் வென்று
பன்புடன் பளிங்கெனச்
சிரித்திட்ட திருவே!
தந்தையே!

அவநம்பிக்கை மீறும் நம்பிக்கை
பிறக்கின்றதே நல்லுயிரே
சத்தியமொன்றே சத்தியமென்ற
உங்கள் உறுதிமொழி உரைத்தாலே!
குரோதத்தின் மீதும் சுடர்க்காதல்
துளிர்க்கின்றதே தங்கத் தந்தையே
புன்னகை எழில் பூக்கும்
உங்கள் புகைப் படம் பார்த்தாலே.

தெய்வங்கள் மண்ணில் வந்து
சத்திமின்றி பிறப்பதுண்டு
உம்மில் அந்த உண்மை கண்ட
கர்வம் என்றும் எமக்குண்டு!
ஆனாலும் உயிர்த்தந்தையே
நீங்கள் பக்கத்தில் இல்லாத
பயமொன்று
அவ்வப்போது
உள்ளத்தில் ஒளிந்துகொண்டு
மிரட்டுவதுண்டு!

- கற்பகம் இளங்கோவன்
Oct - 03 - 2003.

My Father
__________

Truth was your way of Life
Peace, Love and Unity
Always close to your heart.

Plain, clean simplicity
Your power and your armor.

Gentleness of Ahimsa,
Your strength and your weapon.
You won the war of hatred
With pure true affection!
And smiled away as clear
As a shiny simple crystal.

I worship thee my father.
Noble father of my Nation!

I gain hope over despair
When I think of your words.

My dear humble soul
That said
Truth is the only truth.

I sense love for hatred
When I see thy elegant smile.
I rejoice amid of sorrow
In your picture on the wall.

Gods do come down to earth.
And live amongst the mankind.
I have pride in witnessing the fact
I see God in you my father!

But, realizing the truth...
Hands and Heart that
Cared for me, are not around
Anymore -
Makes me cry, at times
I tremble, in a throbbing fear!

- Karpagam Elangovan
Oct - 03 - 2003

புரிதல்

2006-10-04T07:45:00.000-07:00

மாமன் மீசை

2006-09-22T11:53:00.000-07:00

வரப்புமேட்டுல பார்த்தாச்சு
வயக்காடெங்கும் நடந்தாச்சு
மாமன் மீச போல
சீறுங் கருநாக மொண்ணு
கண்டதில்ல!

பொண்ணு வரும் முன்ன வரும்
மெண்மையது போல இந்தச்
சிங்கம் வரும் சேதி தரும்
மிரட்டும் அந்த முரட்டு மீச!

மயிலக்காள கொம்புக்கு
பளபளப்பா வர்ணம் பூசிவிட்டாக
மச்சக் காள மீசைக்கு
இருட்டையா கொழச்சி
இட்டாக?

புளியமரத்துப் பேயும் அந்த
மணமேட்டுப் பிசாசும்
மீச நெனப்பச் சுமந்து போன
என்னக் கண்டு
மிரளுது போ!

பேராண்டி மீச அடத்தி
தாத்தனுக்கு இருந்ததின்னு
பல்லு விழுந்த பாட்டி ஒண்ணு
கண்டு கண்டு பூரிக்குது

அதுங் கண்ணு
அடி பட்டதால
என் நெஞ்செரிஞ்சு
போச்சு மச்சான்.

பாவி மக பயங்கண்டா
அந்த பொதருக்குள்ள
ஒளிஞ்சுக்கவா?

ஆசையில மோகம் வந்தா
மீச நுனியில நான்
படுத்துக்கவா?

கண்ணெடுத்து பாக்க மாட்ட
வக்கனையா பேசுதியான்னு
அக்காகாரி கேக்குறாளே!

ஏறெடுத்துப் பாத்துப்புட்டா
மீத உசுரும்
போயிருமே
கிறுக்கெடுத்த சிறுக்கி அவ
யாரெடுத்துச் சொல்லுறது?

மாமன் மீச இரசிச்சிப்பாக்க
மூணாயிசு போதாதெனக்கு
மொத்த ஆள விளக்கச்
சொன்னா..
எங்கே போவேன்
சொல்லு ஆத்தா?

- கற்பகம் இளங்கோவன்

வண்ணத்துபூச்சி

2006-09-12T07:03:00.000-07:00

வண்ணத்துபூச்சி
------------------------------
இலக்கு மட்டுமே கண்களில் விரிய
இறகுகளின் இயலாமைகளை
இறக்கி விட்டபடி

வானேறுகிறது பார் ஒரு வண்ணத்துபூச்சி

மென்மைகள் மலர்ந்தாடும் தன்
எல்லைகளைக் கடந்து
எதிர்க்காற்றின் எதிரிபோலொரு
எழுச்சியுங்கொண்டு

வானேறுகிறது பார் ஒரு வண்ணத்துபூச்சி

தன்னை விடவும்
வலுவானதா உலகம்?
தன் திறனைக் காட்டிலும்
திடமானதா தென்றல்?
வானவில்லிடம் சென்று
வணிகம் பேசிவர
விரிக்கிறது பார் அதன்
வண்ணச் சிறகை

வானேறுகிறது பார் ஒரு வண்ணத்துபூச்சி

நம்பிக்கைக்கும்
நிலவுக்கும்
நடுவிருக்கும் தூரத்தை
கிழித்தெறியும் வெறியோடு
பகையுடைத்துப் புறப்பட்டு

வானேறுகிறது பார் ஒரு வண்ணத்துபூச்சி

ஃ

தகவல் துளிகள் -
* சில்க் மாத் எனப்படும் வண்ணத்துபூச்சி இனம், முழுதும் வளர்ந்த நிலையில் உயிர்வாழ்வது,
மூன்று அல்லது நான்கு நாட்கள் மட்டுமே
* மோனார்க் இன வண்ணத்துபூச்சிகள் 4062 அடிகள் (அதாவது சுமார் முக்கால் மைல்) உயரத்திலும், 200 முதல், 500 மைல் தூரம் வரை பறக்கும் திறன் படைத்தவை.

சின்னச் சின்ன பிரச்னைகளிலும், கவலைகளிலும் மனம் தோய்ந்துவிடும் நாமெல்லாம், இந்த சிறு பூச்சியடம் கற்றுக் கொள்ள வேண்டிய மிகப் பெரிய பாடம் அல்லவா தன்னம்பிக்கை!

- கற்பகம் இளங்கோவன்

அத்தைபாட்டி.

2006-09-08T09:06:00.000-07:00

தாத்தா வீடு பழையகாலத்து வீடு. நடை நீளமா இருக்கும்.
கோடியில சமையக் கட்டு.
சமையக்கட்டு வாசலுல கால நீட்டிகிட்டு எப்பவும் அத்தபாட்டி ஒக்காந்திருக்கும்.
உரலுல வெத்தல, சீவல், பாக்கு, இன்னும் என்னென்னத்தையோ போட்டு
இடிச்சு மென்னுகிட்டே இருக்கும்.
காலையில அம்மா எல்லோருக்கும் காபி போடனுமா இல்லையா.
ஆம்பளைங்க எல்லோரும் வேலைக்கு கிளம்ப இட்லி சட்னி ரெடி பண்ணனுமா இல்லையா.
பாட்டி (அப்பாவ பெத்தவங்க) , அத்தை, சித்தி, அம்மா, நாலு பேரும்
சமையக் கட்டுக்குள்ள பரபரப்பா வேலை செஞ்சுகிட்டு இருப்பாங்க.
உள்ள நுழையும்போது, வெளிய வரும்போதெல்லாம்...
அத்தே கால நகத்து அத்தே... சொல்லிக்கினே போவாங்க, வருவாங்க.
கெழவி நகருமா...ஊம்ம்ம்ம். காது கேக்காத மாதிரி அது பாட்டுக்கு
வெத்தலைய மென்னுகிட்டு இருக்கும்.
சரி, எல்லோரும் வேலைக்கு போயாச்சா.
சீவன் போவுது எவளாச்சும் கவனிக்கறாளான்னு கத்தும்.
இட்லி, கெட்டி சட்னி அதே வாசலுக்கு வந்துரனும்.
அப்பவெல்லாம் மதிய சாப்பாடு கொண்டு போக
கூடைக்காரம்மா வருவாங்க.
அந்தம்மா பேரு மண்ணு. எங்க இருக்குதோ பாவம்.
மண்ணு உள்ள வர்றத பார்த்துட்டு கடிகாரம் பத்தர அடிக்கும்.
"தே எத்தன தடவ சொல்லுறது உனக்கு, எல்லா வீட்டுக்கும் போயிட்டு
கடைசீல இங்க வான்னு"
அம்மா தெனமும் மண்ணுகிட்ட சொல்லற கததான். ஆனா,
அது ஒரு நிமிஷம்கூட தாமதமா வந்ததில்ல.
எல்லா வீட்டுலேயும் சாப்பாட்ட வாங்கிகிட்டு, தம் பங்க எடுத்துகிட்டு
அபீசுகளுக்கு பட்டுவாட பண்ணனுமா இல்லையா?
அம்மா கேரியர்ல, சாதம், சாமாரு, பொரியல், அப்பளம் எல்லாம் போட்டு
மண்ணு கிட்ட தூக்க மாளாம எடுத்துகிணு போயி குடுப்பாங்க.
அத்த பாட்டி கால தாண்டி தாண்டிதான் இந்த மொத்த வேலையும் நடக்கும்.
அப்புறம் எந்த அடுக்குல ரவா லாடு, அதிரசம் இருந்தாலும் நானும் தம்பியும்
கண்டுபுடிச்சுடுவோம். நாளுக்கு நூறு முறை அத்த பாட்டி கால தாண்டி தாண்டி
சமையக்கட்டுக்கு ஓடுவோம். பல சமயம் அது கால மிதிச்சுபுடுவோம்.
சனியனுங்க சனியனுங்க ன்னு திட்டும்.
இப்படிதான் ஒரு தடவ எங்க பாட்டி கொதிக்க ரசம் எடுத்துகினு மேசைக்கு வரும்போது
ஒரு துளி அத்தப்பாட்டி காலுல ஊத்திகிச்சு.
கண்ணி கெட்டவளே, என்னைய கொளுத்த பாத்தியான்னு அத்தபாட்டி கத்த
ஆரம்பிச்சிருச்சு.
பாட்டிக்கும் கோவம் வந்துருச்சு. ஒண்ணு உங்க அக்கா வாசல விட்டுட்டு
மூலையில போயி உட்காரனும், இல்லே நான் இந்த வீட்ட விட்டு
போறேன்னு கிளம்பிட்டாங்க.
தாத்தாவும் ஏனக்கா.. வேலை பார்க்கற பொம்பளைங்களுக்கு கஷ்டமா இருக்குதில்ல.
இவ்வளோ பெரிய வீட்டுல உனக்கு எடமா இல்லன்னு கேட்டுபுட்டாரு.
அத்தப்பாட்டிக்கு வந்துதே கோவம்.
ஏண்டா.. நான் குந்தர ஒரு சின்ன எடத்துல உன் வீடு தேஞ்சு பூடுதா...
எனக்கென்னடா தலையெழுத்தா.. நான் போறேன்னு மூட்டைய கட்டிருச்சு.
போகுது சனியன்னு எங்க பாட்டி உள்ள போயிட்டாங்க.
தாத்தாவும் செவனேன்னு சாய்வு நாற்காலில சாஞ்சுட்டாரு.
தவிக்கறது நானும் தம்பியும் மட்டும்.
கெழவி தட்டுத்தடுமாறி ரோட்டுக்கே போயிருச்சு.
நாங்க முழிக்கறோம்.
மெல்ல தாத்தா எங்கள கூப்பிட்டு, அத்தப்பாட்டிக்கு எங்கேயும் போக
வழி கூட தெரியாதுடா. போயி கூட்டிகினு வாங்கன்னாரு.
சரி, எங்கதான் போகுது வண்டி பார்போம்னு நானும் அவனும் பின்னாடியே
போனோம். மெயின் ரோட்டுக்கே போயிருச்சு.
பஸ் ஸ்டாண்டுல நிக்குது. பாவமா இருந்தது. தம்பி ஒளிஞ்சிகிட்டே சொல்றான்,
எதுனா பஸ்ஸுல ஏறிடப் போவுது. வா போய் கூப்பிடலாம்னு.
இல்லடா அத்தபாட்டிக்கு அவ்வளோ தைரியம் கிடையாது இரு பார்ப்பொம்னு
சொன்னேன்.
பக்கத்துல ஒரு அம்மா கிட்ட... பாண்டிக்கு எந்த வண்டில போறது ன்னு கேக்குது
கெழவி.
அதுக்கெல்லாம் வெளியூறு பஸ் ஸ்டாண்டுக்கு தான் போவனும். இங்கேருந்து பூக்கடைக்கு போன்னு
அந்தம்மா சொல்லுது.
அத்தப்பாட்டிக்கு ஒண்ணும் புரியல. எங்க போறது... பூக்கட
எல்லா எடத்துலேயும்தான் இருக்குன்னு முழிக்குது.
முகத்துல ஒரு கலவரம் தெரியுது. இந்தப் பக்கமும் அந்தப் பக்கமுமா திரும்பி திரும்பி வெறிக்குது.
அப்ப ஒளிஞ்சுருந்த என்னையும், தம்பியையும் பார்த்துருச்சு.
எங்களுக்கு சிரிப்பு அடங்கல. போய் வா பாட்டி கோச்சிக்காதன்னு சொல்லி கைய புடிச்சு
வீட்டுக்கு கூட்டிகினு வந்தோம்.
வீட்டுக்குள்ள வந்த பாட்டி நேரா எங்க போச்சுன்னு நெனச்சீங்க...
சமையக்கட்டு வாசலுல போயி உட்கார்ந்துருச்சு.
பாண்டிக்கு எப்படி போகனும்னு விசாரிச்சுதுன்னு சொல்ல, வீட்டுல எல்லோரும் பதறிப் போனாங்க.
அப்போலெருந்து அத்தப் பாட்டிய யாரும் ஒண்ணும் சொல்றதில்ல.
அதே எடத்துலதான் உசுர விட்டுது பாட்டி.
நடையே வெறிச்சோடிப் போனா மாதிரி இருந்தது.
பாட்டி, அம்மா,அத்த, சித்தி, நாங்க, எல்லோரும் பழக்க தோசத்துல
சமையக்கட்டுக்குள்ள போவும் போதெல்லாம் தாண்டி தாண்டிதான் போவோம்.
இப்பகூட அப்படிதான் போறதா சித்தி சொல்றாங்க.

ஒரு விதையின் விசும்பல்.

2006-07-12T12:25:00.000-07:00

உயிர் பகிர்ந்த பிம்பமொன்று
அறிந்திருக்கவில்லை..
என்னை அறியவும் இல்லை.

அளவில்லா வலியெடுத்து
ஈன்றுவிட்டாள்
உளமில்லா உளயல்லவோ
என் உட்குகையைத் துளைத்தது

அழவில்லை நான்
அதனால்
அவள் தருவதே அறிமுகம்.

"காரர்ரும் வானத்தில் காணும் முழுநிலவே!
நீராரும் தண்கடலில் கண்டெடுத்த நித்திலமே"
உயிர் கொடுத்த தந்தையடா!

நீ வரும் முன்பே
அவள் வரும் முன்பே
உங்களுக்கென
வளர்ந்தவன் நான்.

கண்ணிமைக்காது
கனவுகளும் லட்சியங்களும்
உங்கள் வளத்துக்கென
வளர்த்தவன் நான்

மீசையின் முதல்
முடி தோன்றிய போதே
நாளைய பொறுப்பை
பார்த்தவன் நான்.

"கனவேற்ற வந்த களிரே எனது
மனமேறுகின்ற மகிழ்ச்சிப் பெருங்கடலே"
உன் நிஜமும், நிழலும் என் சாயலே!

கணக்கென்று வைக்காது
பிழைகளைக் களைந்திடுவேன்.
கடினத்தால் காட்டுவது
காட்டாத கருணையடா!

உனக்காக வகுத்திட்ட திட்டங்கள்
நான் சுமந்த சிந்தனைகள்
என் பொக்கிஷமே
அண்டவெளியினிலும் பெரியதடா!

"பொன்முகத்தி லேயிழைந்த புத்தம்புது புதுநீலச்
சின்னமணிக் கண்ணை இமைக்கதவால் மூடிவைப்பாய்"
உளக்கதவைத் திறெந்தென்னைக்
கண்டறிவாய் கண்மணியே!

நீ நினைக்காதவையும்
உனக்காகச் செய்திடுவேன்.
எப்போதும் தோள் தருவேன்.

என் நேசத்தின் தேசத்தில்
பாசமாய் வளர் பயிரே
நான் பெற்ற செல்வமே
எக்காலத்திற்கும்
தந்தயென என்னை
மிக அன்புடன் அறிவாயடா.
________________________________________________________
அதிகம் பேசாத தந்தையரைப் போலவே, மிக மவுனமாய்
கடந்துச் சென்றது தந்தையர் தினம்.

அன்னையர் தினம் போல, தந்தையர் தினத்தன்று சொல்லிக் கொள்ளும்படி வணிகம் நடப்பதில்லையாம்.
மேலும், தந்தையர் தினத்தன்றுதான் மிக அதிகமாக (Collect Calls) கலெக்ட் கால் கள் செய்யப்படுகின்றனவாம்.
அப்பா, உங்களுக்கு என்ன வேணும்ப்பா, என்றதும்.

இதுதான் வேண்டும் என்று கேட்டுப் பெறும் தந்தையை யாரேனும்
கண்டிருக்கின்றீரா?
இந்த கவிதையில் பாரதிதாசனுடைய "ஆண் குழந்தைக்குத் தாலாட்டு" கவிதை வரிகள்
உபயோகித்து இருக்கிறேன்.

பொதுவாக, தந்தையர் வெளிப்படையாக உணர்வுகளை காட்டிக் கொள்ளமாட்டார்கள்.
ஆனால் இந்த கவித் தந்தை பாடும் தாலாட்டு எத்தனை அழகாக இருக்கிறது!

ஆண் குழந்தைக்குத் தாலாட்டு - பாரதிதாசன்.
___________________________________
ஆராரோ ஆரிரரோ ஆராரோ ஆரிரரோ
ஆராரோ ஆரிரரோ ஆராரோ ஆரிரரோ
காரர்ரும் வானத்தில் காணும் முழுநிலவே!
நீராரும் தண்கடலில் கண்டெடுத்த நித்திலமே
ஆசை தவிர்க்கவந்த ஆணழகே சித்திரமே
ஓசை யளித்துமலர் உண்ணுகின்ற தேன்வண்டே
உள்ளம் எதிர்பார்த்த ஓவியமே என் மடியில்
பிள்ளையாய் வந்து பிறந்த பெரும்பேறே!
சின்ன மலர்வாய் சிரித்தபடி பால்குடித்தாய்
கன்னலின் சாறே கனிரசமே கண்ணுறங்கு!
நீதி தெரியும் என்பார் நீள்கரத்தில் வாளேந்திச்
சாதியென்று போராடும் தக்கையின் நெஞ்சில்
கன்வேற்ற வந்த களிரே எனது
மனமேறு கின்ற மகிழ்ச்சிப் பெருங்கடலே!
தேக்குமரம் கடைந்து செய்தொடு தொட்டிலிலே
ஈக்கள் நுழையாமல் இட்டதிரை நடுவில்
பொன்முகத்தி பேயிழைத்த புத்தம்புது புதுநீலச்
சின்னமணிக் கண்ணை இமைக்கதவால் மூடிவைப்பாய்
அள்ளும் வறுமை அகற்றாமல் அம்புவிக்குக்
கொள்ளைநோய் போல்மதத்தைக் கூட்டியழும் வைதிகத்தைப்
போராடிப் போராடிப் பூக்காமல் காய்க்காமல்
வேரோடு பேர்க்கவந்த வீரா இளவீரா!
வாடப்பல புரிந்து வாழ்வை விழலாக்கும்
மூடப்ப ழக்கத்தைத் தீதென்றால் முட்டவடும்
மாடுகளைச் சீர்த்திருத்தி வண்டியிலே பூட்ட வந்த
ஈடற்ற தோளா, இளந்தோளா கண்ணுறங்கு!
"எல்லாம் அவன் செயல்" என்று பிறர்பொருளை
வெல்லம்போல் அள்ளி விழுங்கும் மனிதருக்கும்
கார்ப்பார் கடவுளுஅமிக் கட்டையில் நீர் போகுமட்டும்
வேர்ப்பீர், உழைப்பீர் என உரைக்கும் வீணருக்கும்
மானிடரின் தோளின் மகத்துவத்தைக் காட்டவந்த
தேனின் பெருக்கே, என் செந்தமிழே கண்ணுறங்கு!

காகிதம்

2006-06-06T09:42:00.000-07:00

திறந்த ஜன்னல் வெளிச்சத்தில் (காதல்) கடிதம் படித்துக்கொண்டிருக்கின்ற
இந்த இளம் பெண்ணின் ஓவியம் 1657 ம் ஆண்டில் Johannes Vermeer என்கிற டட்ச்
ஓவியரால் எழுதப்பட்டதாகும்.
16ம் நூற்றாண்டில்தான் கடிதப் போக்குவரத்து
மிக முக்கியமான தகவல் தொடர்பாக பரிமாணித்தது.
Calligraphy என்கிற அழகு நயத்துடன் எழுதும்
கலை 16ம் நூற்றாண்டில்தான் பிரபலமடைந்திருக்கும்
என்று தெரிகின்றது.
பிறகென்ன காதல் கடிதங்களை கிறுக்கவா முடியும்?!
இப்போதைய சூழலில் - தமிழிலேயே தட்டச்சி, மறுநொடியே
பெறுநரின் மின் மடல் பெட்டிக்குள் சேர்த்துவிடலாமே!
என்னதான் விஞ்ஞானம் வளர்ந்துவிட்டாலும்
கைப்பட எழுதிய வார்த்தைகளின் பொருளே வேறுதாம்!

*________________________*

சில சர்க்கரைத் துகள்களைத்
தூவி மடித்து
ஒரு காகிதம் வரும்.
அப்போதெல்லாம்...

காதலிக்கப்படுகிறோம் என்று
தபால்காரர் குதூகலித்திருப்பார்.
தெருகோடியில் அவர் தலை பார்த்ததும்
கற்பூரம் கொளுத்தின கோலக் கண்கள்.

ஃ

இப்போதெல்லாம்...
சீவனைச் சுமந்து வந்திருக்குமோ -
வந்திருக்கும் உன் கடிதம்
என்கிற எண்ணம் மட்டும்
வீட்டைக் காட்டுது தினமும்.

ஃ

நம் இருவருக்கும் பரிச்சயமான நட்பிடமாவது
கேட்கின்றாயா?
அவள் நலமா என்று?

ஃ

முகவரி மறந்தாயோ? அதனால் -
எழுதிய கடிதங்களை அனுப்பாமல் இருந்தாயோ?

அல்லது -
படிக்காமலேயே கிழித்துவிடுவேன் என்று நினைத்தாயோ?

ஃ

நான் பாதுகாக்கின்ற சொத்துக்கள் அல்லவா,
உன் விரல் கோர்த்த எழுத்து முத்துக்கள்!

கிறுக்கல்கள் என்றாலும் பரவாயில்லை
கவிநயம் குறைந்தாலும் பரவாயில்லை

உன் எழுத்தைக் காணாச் சாபத்திலிருந்து
மீட்டு எடு, அனுப்பிவிடு
ஒரு காகித தேவதையை.

ஃ

விட்டத்தைப் பார்த்து படுத்துக் கிடக்கிறேன்.
விண்மீன்கள் உன் கையெழுத்துக்களாய்
விளையாடித் திரிகின்றன
விளக்க உரை தந்திடாமல்.

துண்டுத் துண்டாக
தவணை முறையில்
உயிரின் தேவைகள் -
தூக்கி வந்த காகிதங்கள்
எங்கே.. எங்கே?

எச்சிலின் ஈர முத்தம் பட்டு
ஒட்டிக் கொண்ட காகித உறை
என் உயிருக்கு ஈரம் வார்த்து வந்தது!
புதிய செய்தியா?

கடலென்ன கடல்?
காகிதப் பாலம் போடு
படையேதும் தேவையில்லை
அன்பே , நீ ஸ்ரீராமனாக மாறிப்போவாய்.

ஃ

தெய்வங்களைக் கனவில் கண்டு, நல்ல
வார்த்தைகளை வரமாய்க் கேட்டு
கடிதம் வரைந்த காலம் உண்டு.

அறுபது வரிகள் எழுதி முடித்து
ஒரு வார்த்தைகூடச் சரியில்லையென்று
கிழித்துப்போட்டு தேய்ந்தன விரல்கள்.

வெள்ளி நிலவாய் ஒரு கையொப்பமும்
நட்சத்திரங்களாய் மின்னிய எழுத்துக்களும்
வானத்தில் விளக்கேற்றிய காலம் வேறு.

ஃ

இன்று...
உன் விரல் எழுதிய என் பெயரை
ஏந்திய காகிதம் வந்தால் போதும்

எஞ்சிய நாட்களின் கண்ணீர் ஒற்ற
கிடைத்துவிடும் -
எனக்கொரு நிரந்தர ஆறுதல் கைக்குட்டை.

- கற்பகம் இளங்கோவன்.

ஒற்றையடி பாதை

2006-05-31T12:03:00.000-07:00

ஒற்றையடி பாதையென்று
மெத்தனமாய் எண்ணாதீர்
வெற்றி வழி கண்டவர்கள்
விட்டுச் சென்ற தடயம் நான்.

முற்றுமில்லை முதலுமில்லை
நாளொரு நீளம் நகர்ந்தேன் நான்.

தேவர்களால் விரிக்கப்படவில்லை
நடந்தவர்களால்
உருவாக்கப்பட்டேன்.

முட்புதர்களுடன் மோதியவர்கள்
எழுதி முடித்த இதிகாசம் நான்!

வகுத்தவர்கள்
வழி நடத்துகின்றார்
பின் தொடர்ந்தவர்கள்
நிழற் குடைகள் தந்தார்.

மருகி நின்றோர்
முடங்கிவிட்டார்.
தயக்கம் கொண்டார்
தேக்கம் கண்டார்.

மலர் அலங்கரிக்கும் சாலைகளுக்கு
பெரிய இலக்குகள் இருப்பதில்லை.

நிழலும் வெயிலும்
பயணத்தில் பாதிப் பாதி
இயலும் இயலும்
இன்னும் எல்லைகள் விரிக.

சில வேளைகளில்
பல வேடங்களில்
உங்களை நீங்களே
என்னால் சந்திக்க நேரிடும்!

சீராகத் தேரோடுவதில்லை
நேரான பாதைகளும்
ஊர் போவதில்லை.

தர்மமும், அநீதியும்
சத்தியமும், சங்கடமும்
சந்திக்கும் பொழுதிலெல்லாம்
நெளிந்து வளைகின்றேன்,
எனக்கும் வேறு வழியில்லை!

மூளையின் கூர்முனை
விரல்கள் விரட்டும்.
ஆயினும் -
இதயக் காற்றின் திசையே வீசுங்கள்.

மேடு பள்ளங்கள் கண்டு துவளாதீர்
மேன்மைகள் இதோ விளிம்பில்தாம்
நேற்றைய பொழுது முள் என்றால்
இன்றைய சோலை பூத்திருக்கும்.
நெடுந்தூரப் பயணம் என்றாலும்
பழகும் பாதம் என்றாலும்
நடை போட நீ வந்தால்
உறுதுணையாய்
ஒற்றையடி பாதை
நானுண்டு!

- கற்பகம் இளங்கோவன்
மே 26 2006

கரு

2006-05-05T13:22:00.000-07:00

முட்டி மோதியும் பலனில்லை
கடினமான வளையக் கூடு
சுற்றிலும் பிசு பிசு திரவம்
நெளிந்து நெளிந்து
இருட்டுக்குள்
குருட்டு நீச்சல்.

எவ்வழி செல்வதோ
புரியவில்லை
எங்ஙனம் வந்தேன்
விளங்கவில்லை.
விழியுண்டு
பார்வையில்லை
துடிப்புண்டு
திட இதயமில்லை
சித்தமுண்டு
சிந்தனையில்லை
சத்தமுண்டு
அர்த்தமில்லை!

மொத்தத்தில் இந்த
யுத்தத்தின்
பொருள்தான் என்ன?

எப்போது விடுபடுவேன்
எதற்காக?

எங்ஙனம் வந்தேன்
நகர்வதன் காரணம்.

வெறும் பிண்டமாய்
இருந்த என் பாகங்கள்
பெருத்துக் கொண்டே
போகின்றன!

அவ்வப்போது
ஒரு தேவ விரல்
தடவுகின்றது

அத்தழுவலுக்கெனவே
சுற்றியலைகின்றேன்
இப்போதெல்லாம்.

என் தவத்துக்கு
வரமாய்
சுரமாய்
ஒரு இனிய குரல்!

விரைவாய்
என்றழைக்கின்றது!

உறக்கம் கலைந்து
மோதிப் பிறக்கின்றேன்.

'அம்மா....'
என்லறியது அதே குரல்!

என் வரமே
என் செல்லமே
என உச்சி முகர்ந்தாள்

மார்பு தேடி
நானும் அழுதேன்
என் மொழியில்!

- கற்பகம் இளங்கோவன்
மே 5 - 2005

சுண்டெலி

2006-04-28T10:42:00.000-07:00

வீடெங்கும் சுறுசுறுப்பாய்
ஓடி விளையாடியது எலி.
இந்த வீட்டில் இருப்பவர்கள்தான்
தன் குடும்பத்தினர்
என்று நம்பியது எலி.
தன் சுட்டித்தனங்கள்
எல்லாம் ரசிக்கப்படுகின்றனவோ
என சந்தோசப்பட்டது எலி.
தனக்காக அங்கங்கே
உணவு வைத்து
வளர்க்கும் வீட்டாரை
வாழ்த்தியது எலி.
ஒரு இரவில்
கமகமவென்று வாசம் வீச
சிறிய பெட்டிக்குள்
விருந்தோம்பலோ
என மகிழ்ந்தது எலி.
விடிந்ததும்
வெகுதூரத்தில்
காக்கைகளின் இலகுகளுக்காய்
வீசியெறியப்படுமோ
அல்லது
கொதிக்கும் நீரால்
இறுதிக் குளியலோ
எலிக்கு தெரியாது பாவம்.
உணவு கொடுத்தவர்கள்
இந்த ஜன்னலை
தாளிட்டுவிட்டார்களே
என்று மட்டும்
எண்ணி எண்ணி
கம்பிகளைக் கடிக்கிறது எலி.

- கற்பகம் இளங்கோவன்.

முகம்

2006-04-20T09:18:00.000-07:00

பகல் முடியும் வேளை
அயர்ந்து போயிற்று
மற்றுமொரு நாள்...

ஃ

நெஞ்சுக்குழியில் சிக்கியதை
இளக்க
இளஞ்சூட்டுப பானம் வேண்டும்.
அழைத்தது அவசர
உணவகத்தின்
ஓட்டுப்பாதை.

ஃ

கண்ணாடியின் பிரதிபலிப்பில்
எதெச்சையாய் பட்டது
என் பார்வை
அழகிய பிம்பம்
பழகிய முகம்!

ஃ

புதிதாய் பார்ப்பது போல
பிரமிப்படைகிறேன்.
இல்லை!
பூர்வ ஜென்மத்திலிருந்தே
நன்கறிந்த முகம்.
உணர்வில்லை
நினைவிழந்தேனா?
உற்றுப் பார்க்கிறேன்
எனக்குத் தெரியும்
இது இப்போது கண்ட முகம்.
கண்ணுக்குள் வாழ்ந்தது.
பார்க்கிறாளே பாவம் என்று
கருணைப் புன்னகை வீசியொரு
வரம் தந்தது முகம்.

ஃ

நகர இயலவில்லை
வரிசை கூடிப் போனது
மெல்ல ஊர்ந்து
முன்னேறினேன்.
இதோ பாதை பிரிகின்றது
சட்டென்று என் முகம்
எதிர்திசையில் மறைந்துவிட
உள்ளுக்குள் கதறுகிறேன்.
முகமிழந்துவிட்டேன்.
காண வேண்டும்
மீண்டும் என் முகம்.

- கற்பகம் இளங்கோவன்

சலவை

2006-04-12T08:15:00.000-07:00

சலவை
------
ஒரு அலைக்கும் மற்றொரு
அலைக்கும் நடுவே
கரை உலர நினைக்கும்
அலை மீண்டும் நனைக்கும்.
மண் மணத்தாலும்
அழுகிய மலர்கள்
காற்றின் வாடை கெடுக்கும்.
தணல் அணைந்த பின்னாலும்
புகையின் மூட்டம் இருக்கும்.
பார்வையிலிருந்து
பழைய பிம்பங்கள்
அவிழ்ந்து கொள்ள மறுக்கும்.
தளும்பும் நிறைவிருந்தும்
வெறுமைகள் மட்டும்
இலவசமாகக் கிடைக்கும்.
எஞ்சிய தழும்புகள்
தட்டுப் பட்டு
நுனிவிரல் கொஞ்சம் வலிக்கும்.
கழிவுகள் ஒதுங்கிய ஈரக் கரைகளை
காலச் சலவை வெளுக்கும்
மற்றொரு அலையும் அடிக்கும்
காலம் மீண்டும் வெளுக்கும்.

- கற்பகம் இளங்கோவன்.

TAMIL UNICODE - LETTERS TABLE. தமிழ் யூனிகோட் அட்டவணை

2006-04-06T06:53:00.000-07:00

உயிரெழுத்துக்கள் - (The vowels)
______________________________

அ - a

ஆ - aa

இ - i

ஈ - ii

உ - u

ஊ - uu

எ - e

ஏ - ee

ஐ - ai

ஒ - o

ஓ - oo

ஔ - AU

ஃ - q
_____________________________________________________________________________________
மெய்யெழுத்துக்கள் (The Consonants)
______________________________

g, k, kh, c - க்

nG - ங்

ch - ச்

j - ஜ்

nY - ஞ்

d, t - ட்

nN - ண்

dh, th - த்

N - ந்

n ன்

b, bh, p - ப்

m - ம்

y - ய்

r - ர்

R - ற்

l - ல்

L - ள்

zh - ழ்

v, w - வ்

h - ஹ்

sh - ஷ்

s - ஸ்

________________________________________________________

உயிர்மெய் - ('க' உதாரணமாக கொடுக்கப்பட்டுள்ளது)

_______________________________________________
ka - க

kaa - கா

ki - கி

kii - கீ

ku - கு

kuu - கூ

ke - கெ

kee -கே

kai - கை

ko - கொ

kO - கோ

kau - கௌ

k - க்
_______________________________________________________________

Letters like g and k represent the same thamizh letter.
So, "akhilaa", "akilaa", "agilaa", "acilaa" all give "அகிலா"

To get the complete syllable, suffix it with an "a". For eg., "pa" is "ப".

For half syllables, stop with the code for that syllable alone. For eg., "zh" is "ழ்".

The general rule of thumb is that with two touching syllables, the former syllable is a half syllable. So, "chcha" is "ச்ச".

The syllable "ங்" has to be typed out as "ng" and it is usually followed by a "k".
As in, "thangkai" "தங்கை".

Some examples

vijay - விஜய்
vidhyaa - வித்யா
lathaa - லதா
latchumiNaaraayanNan - லட்சுமிநாராயணன்
akhilaa - அகிலா
pirathaap - பிரதாப்
bharath - பரத்
kirushnNaswAmi - கிருஷ்ணஸ்வாமி

Kannaadi

2006-04-04T08:23:00.000-07:00

இத்தனை காலமாய்
எங்கு இருந்தது
இந்த முகம்?

கண்டு பல காலம் கடந்துவிட்டதே
அத்தனை நாட்களும்
முகமில்லாமல் அலைந்தேனா?
பிரதிபலிப்பு
புகைமூட்டமாய் இருந்தே!

ஃ

இன்று, ஒளிர்கின்றதே
மின்னும் தாரகைகளாய் விழிகள்
பவழங்களாய் ஜொலிக்கும் இதழ்கள்!
இது என் முகம்தானா?
சொல் கண்ணாடியே
ஏன் ஒளித்தாய் என்னை?

ஃ

தினமும் தான் பார்க்கின்றாய்
சில பயங்களோடு
துளி புன்னகையோடு
பெரிய ஏக்கங்களோடு
சிறிய நம்பிக்கையோடு
அத்தனையும் அப்பட்டமாய்
அவிழ்த்துவிடும் உன் விழி!

ஃ

நானோ... வெறும் பிம்பம்.

நீ காண
விரும்புவதைத் தான்
நான் காட்டிவந்தேன்.
இது நான் ரசிக்கும் நித்திய அழகு!

இன்றுதான் நீ
உண்மை உணர்ந்திருக்கிறாய்!
சிரிக்கின்றனவே கண்கள்!
கன்னத்தில் ஒரு ரோஜா
பூத்திருக்கிறதே...!
பார்!

- கற்பகம் இளங்கோவன்.
மார்ச் 01 - 2006

Vasantham - 2006

2006-03-29T08:06:00.000-08:00

வருகின்றாள் வசந்தமகள் !

வஞ்சி இடையில்
வண்ணக் குடங்கள் தாங்கி
மிஞ்சும் எழிலை
கொஞ்சம் கொஞ்சமாய்
தெளித்து,

வருகின்றாள் வசந்தமகள்!

பூவிதழ் பாதம்
பனிபாளங்களில் பாவ
அவளது இளமையின்
பசுமை புல்வெளிகளிலே
பரவிடுதோ!

மொட்டுத் தேனிதழால்
சொட்டும் காதலுடன்
பட்டச் செடி கொடிகளின்
நெற்றியிலே முத்தம் பதிக்க
சின்ன முகங்கள்
மலர்கின்றனவோ!

வருகின்றாள் வசந்தமகள்!

உறங்கிய சூரியனின்
கனவில் தோன்றி
நீள் விழி கொண்டு, என்ன
மோகனம் புரிந்தாளோ?
கிறங்கிய கதிரவன்
விழித்துக் கொண்டான்!
ஒளிக் கிரணங்களால்
தழுவிக்கொள்ள
தாவுகின்றான்!

இவள் நழுவுகின்றாள்!

குருவிகளோடு
குறும்புகள் செய்யவேண்டாமா?

வருகின்றாள் வசந்தமகள்!

குளிர் போனது
வா கண்ணாமுச்சி
விளையாடலாம். என்று -
வண்ணத்துப் பூச்சிகளையும்
வம்புக்கு இழுக்கின்றாள்.

நங்கை தம்மில்
நனைந்திடுவாளோ
இறுக்கத்தில் உறைந்த
குள மேனியரோ
இளகி அழைக்கின்றனர்.

வருகின்றாள் வசந்தமகள்!

கதிரவனும் குருவியும்
குளிர் காலம் மறந்தன!

காரில் போகும் காரியத்தாரே!
வருகின்றாள் வசந்தமகள்!

இதய வாசல்களைத்
திறந்து வையுங்கள்
வரவேற்க.

வருகின்றாள் வசந்தமகள்!

TAMIZH UNICODE

2006-03-24T11:27:00.000-08:00

விண்டோஸ் XP, 2000 ல் யூனிகோட் தமிழ்

1.யுனிகோடு தமிழை வாசிக்க தாங்கள் எதுவும் செய்யத் தேவையில்லை.
2.யுனிகோடு தமிழ் எழுதுவதற்கு மட்டும் எகலப்பை 2.0
நிறுவிக்கொள்ளுங்கள்
3. ஜிமெயில் கணக்கு உபயோகித்தால் சிறப்பு, இல்லாவிட்டாலும் கலப்பை மற்ற மின்னஞ்சல் சேவைகளிலும் செயல்படும்.
4.உங்கள் இணைய உலாவி இண்டெர்நெட் எக்ஸ்ப்ளோரரைத் திறந்து வியூ - என்கோடிங் - யுனிகோடு (யுடிஎஃப்-8) என்ற மாற்றத்தைச் செய்யுங்கள்.
5.உங்கள் விண்டோசின் வலப்புறம்
ஆங்கிலத்தில் 'கே' என்று உள்ள பொத்தானைச் சொடுக்கி, 'யுனிகோடுதமிழ்' என்று மாற்றுங்கள். அது இப்போது தமிழில் 'அ' என்று சிவப்பு எழுத்தில் காட்டும்.

எழுத்து கருவிகள் - Wordpad, MS Word, Notepad, Outlook, Internet Explorer ஆகிவற்றில் இருந்துகொண்டு

Alt+1 சொடுக்கினால் கலப்பை ஆங்கிலத்துக்கு மாறும்.
Alt+2 சொடுக்கினால், கலப்பை யூனிகோடுக்கு மாறும்.
Alt+3 சொடுக்கினால் கலப்பை டிஸ்கி அஞ்சல் எழுத்துருவுக்கு மாறும்.
6. யூனிகோட் தமிழில் எழுத, வர்ட்பாட் (WORDPAD) பெரிதும் பரிந்துரைக்கப்படுகிறது.

தாங்கள் எழுதியதை சேமிக்கும் பொழுது மறவாமல்,
Save As Type என்ற பகுதியில் யூனிகோட் என்று தேர்வு செய்துகொள்ளுங்கள்.

இனி உங்களால் எளிமையாக யூனிகோட் தமிழ் தட்டச்ச முடியும். மின்னஞ்சல், வர்ட்பாட், நோட்பாட், அவுட்லுக், இன்டர்நெட் எக்ஸ்ப்ளோரர்
என்று எல்லா எழுதும் கருவிகளிலும் யூனிகோட் தட்டச்ச இயலும்.

விண்டோஸ் 98 ம் யுனிகோட் தமிழும்

அவுட்லுக் எக்ஸ்பிரஸ் 6.0 ம் எக்ஸ்புளோரர் 6.0 ம் இருந்தால், விண்டோஸ் 98டினைப் பயன்படுத்துவோர், யுனிகோடு தமிழில் இருக்கும் கூகுள்
குழுமப் பக்கங்களையும், ஜிமெல் அஞ்சல்களையும், அவுட்லுக் அஞ்சல்களையும் வாசிக்கலாம், ஆனால் தட்டச்ச இயலாது.

சுரதாவின் 'புதுவை தமிழ் தட்டெழுதியைப்' பாவித்து யுனிகோடு தமிழைத் தட்டெழுதி பின்னர் வெட்டி ஒட்டும் முறையைத்தான் இங்கு பயன்படுத்த முடியும்.

http://www.jaffnalibrary.com/tools/Unicode.htm

ஜிமெயில் சுற்றுலா
ஜிமெயில் உதவி
ஜிமெயில் சேவை
ஜிமெயில் அஞ்சல்

Unicode Tamil for - Windows XP and Windows 2000 users :

1. You should be able to read Unicode Tamil without any additional effort.
2. Please Install ekalappai 2.0 to write in Unicode Tamil
3. Gmail accounts work well with Unicode. However other email services do support it.
4. Open your Internet Explorer. From the menu: Select - View - Encoding - Unicode (UTF-8)
5. select UNICODETAMIL in 'K' icon on the far right side of your Windows taskbar.
The 'K' icon will turn into tamil அ in Red

Now, you have sucessfully setup eKalappai.

You can use any Word processing tool, such as Wordpad, MS Word, Notepad, Outlook, Internet Explorer to read, write
Unicode Tamil.

Alt+1 Will Enable English typing.
Alt+2 Will Enable Unicode Tamil typing.
Alt+3 Will Enable TSCII ANJAL Typing.
6. Wordpad is highly recommended for Unicode Tamil typing. Please remember Save as Type - Unicode Text Document.
The Fonts will get distorted if you forget to do this.

Windows 98 and Unicode Tamil

If you have Windows 98, Outlook Express 6.0 and Internet Explorer 6.0 in your PC, You can read Unicode Tamil
mails in Google Groups, Gmail, and Outlook Express.
However you will not be able to type in Unicode Tamil.
Suratha's Puthuvai Tamil Writer can be used to type tamil, and then cut and paste into a desired word processor or mail draft.

Suratha Puthuvai Unicode Writer

Gmail Tour
Gmail Help
Gmail Support
Gmail Mail

Detailed Help:

Windows XP or Windows 2000 and Internet Explorer 6.0, Please follow these instructions -

To view thamiz Unicode
From Internet Explorer, go to View Encoding and change it to Unicode (UTF-8)
If it is still illegible -

From Tools menu, click Internet Options
When the options box comes up, click on Fonts... button
In the Language script drop-down box, click on Tamil
You will see 2 lists , i.e. left & right side, called Web page font, and Plain text font.

If you have already installed e-kalappai 2.0 , you may see TheneeUniTx in both lists
Please select/check those.

If you don't see TheneeUniTx, you can select either TheneeUni or Latha instead.
On the left hand side, select Latha. You usually won't have Latha on the right side.
In that case you have to go with TheneeUniTx or TheneeUni on the right hand side.
Click OK then again click OK to exit the options box, then return to your browser

The page must be legible now.

If you don't see TheneeUni or TheneeUniTx in the above lists,
then you may be able to see it after you install e-kalappai 2.0.

Please Follow the following steps and install e-kalappai, and then return to the previous selections to see if you can check TheneeUniTx or TheneeUni.

The following are the instructions for typing in thamiz Unicode:

If you have e-kalappai 1.0, Please uninstall (go to Start Programs and go to the Tavultesoft or e-kalappai program group and click Uninstall (it may be listed as Uninstall Keyman))

ekalappai 2.0
installation is necessary to type thamiz Unicode.

After completing the installation, you will see a small "K" icon in your system tray (when typing in thamiz Unicode, it will show a red thamiz "a" letter)
In the Programs menu it will be in a group called Tavultesoft Keyman for Thamizha! and the program you need to run to get eKalappai running is called Keyman.

Gmail supports thamiz Unicode very well , compared to Hotmail or Yahoo. You can also chat on Googletalk, and MSN Messenger in thamiz Unicode (but not in Yahoo Messenger)

குழுவில் இணைய தமிழ் மறுமலர்ச்சி இயக்கம் - மிசிகன்

தொடர்புகளுக்கு TMI-WORLD@googlegroups.com

நிலா - 1

2006-03-10T11:52:00.000-08:00

கவிதாயிணி
_____________
நான் மிக ரசித்த
உன் வரிகளை
வாசற் கதவோரம் நின்று
வாசிக்கின்றாய்.

ஃ

உன் விழிகளில்
பளிச்சிட்ட பெருமிதம்..!
அதனால் என் உள்ளம்
ஏறிய உச்சானிக் கொம்பு.
கன்னத் தசைகளை
இறுக்கமாக்கிக் கொண்டு
பார்வையை கூர்மைப் படுத்தி
ஒவ்வொரு வார்த்தையிலும்
வியக்கின்றாய்.

ஃ

என்ன நினைத்தாய்?
நல்ல ரசனை படைத்தவள் என்றா?

ஃ

பொன்னில் பொறித்த
உன் ஒவ்வொரு கவிதையும்
இரவெல்லாம், நான் நிலவில்
அலசி முடித்த காவியங்கள்.

ஃ

நீ என்னடா என்றால் -
நீதானடி பெரிய கவிதாயிணி, என்று
நல்லடக்கத்தோடு
நெடும் புன்னகை செய்தாய்.
கவிதாயிணியா.. நானா?

- கற்பகம் இளங்கோவன்