நிலா - 1

கவிதாயிணி
_____________
நான் மிக ரசித்த
உன் வரிகளை
வாசற் கதவோரம் நின்று
வாசிக்கின்றாய்.

ஃ

உன் விழிகளில்
பளிச்சிட்ட பெருமிதம்..!
அதனால் என் உள்ளம்
ஏறிய உச்சானிக் கொம்பு.
கன்னத் தசைகளை
இறுக்கமாக்கிக் கொண்டு
பார்வையை கூர்மைப் படுத்தி
ஒவ்வொரு வார்த்தையிலும்
வியக்கின்றாய்.

ஃ

என்ன நினைத்தாய்?
நல்ல ரசனை படைத்தவள் என்றா?

ஃ

பொன்னில் பொறித்த
உன் ஒவ்வொரு கவிதையும்
இரவெல்லாம், நான் நிலவில்
அலசி முடித்த காவியங்கள்.

ஃ

நீ என்னடா என்றால் -
நீதானடி பெரிய கவிதாயிணி, என்று
நல்லடக்கத்தோடு
நெடும் புன்னகை செய்தாய்.
கவிதாயிணியா.. நானா?

- கற்பகம் இளங்கோவன்